القائمة الرئيسية

الصفحات

ما هو تحدي دلو الثلج او ice Bucket challenge و معنى Amyotrophic lateral sclerosis

ما هو تحدي دلو الثلج او ice Bucket challenge    و معنى Amyotrophic lateral sclerosis


ما هو تحدي كيس الثلج او ice Bucket challenge    و معنى Amyotrophic lateral sclerosis


ما هو تحدي كيس الثلج او ice Bucket challenge    و معنى Amyotrophic lateral sclerosis




طبعاً كتير أوى مننا سمع عن أو شاف ال ice Bucket challenge و كتير مننا بردو مفكرين إن دي مجرد لعبة جديدة إنتشرت على النت , بس فى الحقيقة هى حاجه بتخدم البشريه , طب إزاي بقا ؟
هتكلم عن الموضوع ده بما أوتيت من معلومات و please لو في أى حد من أساتذتى عنده معلومه زياده عن الموضوع أو هيصلحلي حاجه هكون شاكر جدا ^^

أولا : إيه ال ice Bucket challenge بنعملها إزاى دى ؟
ما هو تحدي كيس الثلج او ice Bucket challenge    و معنى Amyotrophic lateral sclerosis
ما هو تحدي كيس الثلج او ice Bucket challenge    و معنى Amyotrophic lateral sclerosis


حضرتك بتعلن إنك قبلت التحدي "انا فلان و قبلت تحدي ال ice Bucket" و بتجيب ميه بتلج فى جردل و تقلبه فوق نفسك و إنت بتتصور video و تعلن إنك بتتحدى فلان يعمل زيك , فلان ده بقا قدامه 24 ساعه عشان يقبل التحدي و يصوره video و يتحدى غيره و هكذا , الchallenge دى بتعمل توعيه لمرض ال ALS و إنت مفروض تتبرع لل ALS association عشان يطوروا أبحاثهم عن المرض عشان مالهوش علاج لحد دلوقتى

** و إيه ال ALS ده يعنى ؟

ده اختصار ل Amyotrophic lateral sclerosis أو التصلب الجانبي الضموري , ده أكثر أمراض الأعصاب إنتشارا فى العالم, المرض بيصيب ال motor nerves (الأعصاب الحركية) بيعملها ضمور (atrophy) وبالتالي معدتش تقدر تبعت رسائل عصبيه للعضلات و المريض بيفقد التحكم تماماً في العضلات الإرادية (voluntary muscles) زى فقدان القدرة على تحريك الإيدين و الرجلين و صعوبة فى المضغ و البلع و فقدان القدرة على الكلام
المرض مش بيأثر على المخ المريض بيبقى مدرك تماما و واعى للى بيحصله ان هو معدتش قادر يحرك نفسه
طبعا المريض مش هيصحى يلاقى نفسه بين يوم و ليله مش قادر يحرك عضلاته , لأ..المرض بيحصله بالتدريج بيبدأ يفقد السيطرة علي عضلاته شويه شويه و بيحصله رعشات و غالباً العضلات نفسها بيحصلها ضمور يعنى عضلاته بتختفى أو بتصغر مع الوقت لأنها مش بتتحرك بقالها فترة طويلة
عشان تتخيل معايا الموقف هديك مثال مشهور جدا جدا , كلنا طبعا عارفين العالم الفزيائى الرهيب Stephen Hawking هو مصاب بال ALS , إتصاب بالمرض و هو عنده 21 سنه و زى ما قلنا المرض بيجي بالتدريج , لما وصل 32 سنه ماكنش بيقدر يتحرك لوحده او يأكل نفسه, مع ذلك مخلاش حاجه تقف فى طريقه و بقا أعظم عالم فيزياء لحد انهارده
معظم مرضى ال ALS بيتوفوا من فشل التنفس لان بيحصل ضعف فى عضلات ال diaphragm (الحجاب الحاجز) و Intercostal muscles (العضلات البين ضلعية)

** طب إيه علاقة ده بأنى اقلب ميه بتلج على نفسى ؟

انت لما جسمك يتعرض فجأه للميه البارده اوي أو التلج بيخش فى لحظتها فى حالة shock (صدمة) كل عضلاتك بتبقى تحت ضغط أو شدّ جامد جدا (severe strain) , أطرافك بتتخدر بتفقد الإحساس بيها للحظات (numbness) , ضربات قلبك بقت بطيئة جدا
طبعا لما يحصلك كل ده بيبقى شكل جسمك مشدود كده و مبتقدرش حتى تجرى ناحيه أى حاجة تدفيك إلا بعد لحظات من الشد العضلى ده , معناه إنك فقدت السيطره على جسمك لمدة لحظات و هو ده اللي هيخليك تحس بمريض ال ALS إزاى بيبقى فاقد السيطرة على جسمه و عاوز يعمل حاجة بس ميقدرش يقوم أو حتى يتكلم
Note:
المريض بيفقد السيطرة على جسمه مش الإحساس بيه , المرض مش بيأثر على قدرة الشخص على الرؤية والشم والتذوق والسمع أو الاحساس باللمس.

اتمنى تكونوا استفدتوا من الكلام و الحمد لله على نعمة الصحة و يا رب قدرنا نستغل صحتنا فى اللي ينفعنا و يخلينا نتقدم

Sorry لو فيه اى مصطلحات طبية مترجمة عربى غلط
.
منقول
ما هو تحدي كيس الثلج او ice Bucket challenge    و معنى Amyotrophic lateral sclerosis
ما هو تحدي كيس الثلج او ice Bucket challenge    و معنى Amyotrophic lateral sclerosis
ما هو تحدي كيس الثلج او ice Bucket challenge    و معنى Amyotrophic lateral sclerosis

تعليقات

5 تعليقات
إرسال تعليق

إرسال تعليق